MENU


सानीभेरी यातायातको बस सेवा सुरु

रुकुम । सानीभेरी यातायात सेवा समितिले आजदेखि बस सेवा सुरु गरेको छ ।
दुई साता अगाडि खुलेको समितिले आज विभिन्न ठाउँका लागि रुकुमबाट गाडी छुटाउँदै बस सेवा सुरु गरेको हो । आज पहिलो दिन नेपालगन्ज, काठमाडौँसहित जिल्लाका आधा दर्जन बढी ठाउँका लागि गाडी प्रस्थान गरेको समितिका महासचिव वीरबहादुर मल्लले बताउनुभयो । बस सेवालाई आगामी दिनमा क्रमिक रुपमा अन्य ठाउँमा पनि विस्तार गर्दै जाने उहाँको भनाइ छ ।
काठमाडौँ र नेपालगन्जका लागि डिलक्स गाडी र स्थानीय सडकमा जिप सञ्चालन गरिएको समितिका अध्यक्ष मनबहादुर चदाराले बताउनुभयो । जिल्लामा सिस्ने हिमाल बस समिति, रुकुम यातायात प्रालि र प्रफि यातायात प्रालिले यातायात सेवा सञ्चालन गरिरहेका छन् ।

प्रतिक्रिया दिनुहोस