MENU


वन्यजन्तुको संरक्षणमा सरकारले सहयोग गर्ने

१२ असोज, चितवन । प्रधानमन्त्री पुष्पकमल दाहालले चितवन राष्ट्रिय निकुञ्जले वन्यजन्तु संरक्षणमा गरेको कामको प्रशंसा गर्नुभएको छ । आज चितवन राष्ट्रिय निकुञ्जको कार्यालय र यहाँ भण्डारण गरिएको वन्यजन्तुका महत्वपूर्ण अङ्ग (अखेटोपहार) को निरिक्षणपश्चात आयोजित कार्यक्रममा उहाँले संरक्षणमा आवश्यक पर्ने स्रोत साधन उपलब्ध गराउन सरकार प्रतिबद्ध रहेको बताउनुभयो । puspakamal
सो अवसरमा वन तथा भूसंरक्षणमन्त्री शङ्कर भण्डारीले मन्त्रालयले वन र वन्यजन्तु संरक्षणलाई प्राथमिकतामा राखेर काम अघि बढाएको जानकारी गराउनुभयो । निकुञ्जका प्रमुख संरक्षण अधिकृत रामचन्द्र कँडेल र निकुञ्जको सुरक्षार्थ रहेको श्रीजङ्ग गणका गणपति माधव थापाले निकुञ्जमा भएगरेका संरक्षण गतिविधि, भावी योजना र नेपाली सेनाले संरक्षणमा अपनाएको सुरक्षा रणनीतिबारे जानकारी गराउनुभएको थियो । सो अवसरमा राष्ट्रिय प्रकृति संरक्षण कोषले संरक्षण कार्यमा गरेको प्रगतिबारे प्रधानमन्त्रीलाई जानकारी गराइएको प्रजिअ विनोद प्रकाश सिंहले जानकारी दिनुभयो ।
तीनपटकसम्म शून्य चोरी सिकार वर्ष मनाउन सफल चितवन निकुञ्जले अन्तर्राष्ट्रिय क्षेत्रमै बाघ संरक्षणमा उल्लेखनीय योगदान गरेको भन्दै ‘क्याट्स अवार्ड’ समेत प्राप्त गरेको छ ।

प्रतिक्रिया दिनुहोस