MENU

टुर गाईडहरुलाई ध्यान शिविर

चन्द्र खाँण ठकुरी /सतुङगल, पथिक फाउन्डेसनको आयोजना तथा टुरिष्ट गाईड एसोसियसन अफ नेपाल (टुर्गान) को सहकार्यमा शनिवार एक दिवसिय ध्यान शिविर सम्पन्न भएको छ । सतुङगल स्थित फाउन्डेसनको सिदार्थ सभागारमा सम्पन्न ध्यान शिविरमा ४० जना सहभागि भएका थिए । विदेशी पाहुनाहरु आउँदा योग र ध्यानको बारेमा सहजीकरण गर्न सजिलो होस भन्ने उदेश्यले कार्यक्रम आयोजना गरिएको पथिक फाउन्डेसनका कार्यक्रम निर्देशक शुशिल कुमार पौडेलले बताउनु भयो । दुई दशक अघि देखी आचार्य पथिकको नेतृत्वमा संचालित फाउन्डेसनमा स्वदेशी तथा विदेशीहरुलाई ध्यान, प्राणायम, रेकी तथा प्राकृतिक चिकित्साको माध्यमबाट उपचार लगायतका सेवाहरु प्रदान गरिदै आएको छ ।

ध्यान कार्यक्रम आफुलाई एकदमै प्रभावकारी लागेको टुर्गानको कोषाध्यक्ष यादव खतिवडाले बताउनु भयो । आगामी दिनमा पथिक फाउन्डेसनसँग सहकार्य गरेर अगाडी बढ्न इच्छुक रहेको बताउँदै खतिवडाले विदेशी र स्वदेशी दुवैलाई ध्यानसँग जोडेर रिट्रिकका कार्यक्रम अगाडी बढाउन सुझाउनु भयो । तिन दशकदेखी विदेशीहरुलाई पथप्रर्दशकको काम गर्दै आउनु भएका सुरेन्द्र लोहनीले विदेशीहरुले नेपालको पाखा पखेरा, कला संस्कृतिसँगै यहाँको प्राकृतिक वातावरणमा योग ध्यान सिक्न चाहने गरेको बताउँदै पथिक फाउन्डेसन एउटा उत्तम स्थान भएको बताउनु भयो । ध्यानले आफुलाई स्फूर्ति बढाएको गाईड दिपेश थपलियाले बताउनु भयो । ध्यानमा नाच्दा आफुलाई सवैभन्दा मज्जा आएकोले नियमिति ध्यानमा लाग्न प्रेरणा मिलेको बताउँदै थपलियाले विदेशीहरुलाई समेत आफना अनुभव बाँड्ने बताउनु भयो । फाउन्डेसनले आफनै अग्र्यानिक खेतवारीमा फलेको ताजा खाना खुवाउने गरेको छ ।
ध्यान कार्यक्रमका केही तस्विरहरु19149268_466378027037742_2069740550603196354_n19149257_1453915934651539_9060393948265633953_n19146014_1453915974651535_29169111978586795_n19260722_1453916267984839_5804841941901343310_n19149414_10155578204171282_3484082925974641090_n19149318_10155578205761282_3887798746087288702_n19225931_10155578207621282_5996408297387777887_n

प्रतिक्रिया दिनुहोस