MENU

भिटोफ पोखरामा रविन्द्रराज पौडेलको नेतृत्वमा नयाँ कार्यसमिति

पोखरा, नेपालमा गाउँ पर्यटनको विकास र थप सम्भावनाका खोजी गर्न स्थापित गाउँ पर्यटन प्रवर्धन मञ्च भिटोफ (पोखरा)ले रविन्द्रराज पौडेलको नेतृत्वमा सर्वसम्मत रुपमा नयाँ कार्यसमिति चयन गरेको छ ।

गाउँ पर्यटन प्रबर्द्धन मञ्च नेपाल पोखरा शाखाको तेस्रो वार्षिक साधारण सभा एवम् दोस्रो अधिबेशनले युवा व्यवसायी रबिन्द्र राज पौडेलको अध्यक्षतामा ९ कार्यसमिति सर्बसम्मतले चयन गरेको हो । ११ जना कार्यसमितमा रहने व्यवस्था अनुसार १ जना कार्यसमिति सदस्य निवर्तमान अध्यक्ष तारा पहारी र बाँकी एक जना अध्यक्षले मनोनयन गर्ने व्यवस्था छन् ।

आइतबार कास्कीको कालबाङ घडेरी होम स्टेमा आयोजित कार्यक्रमबाट चयन भएका अन्य पदाधिकारीमा उपाध्यक्षमा चुडामणि दाहाल (राजु), सचिवमा रमेश खत्री, कोषाध्यक्षमा सूर्यनाथ पहारी रहनु भएको छ । त्यसैगरी सदस्यहरुमा शुशीला भण्डारी, अशोक पराजुली, भुपेन गुरुङ, सन्तोष सापकोटा, कमलबहादुर भुजेल रहनु भएको छ । कार्यक्रममा कान्तिपुर र नागरिककर्मीलाई पत्रकारिता पुरस्कार समेत प्रदान गरिएको थियो । पुसभित्र होमस्टे महोत्सव गर्ने अध्यक्ष रविन्द्रराज पौडेलले बताउनु भयो । होमस्टेको विकास र प्रचारमा भिटोफले पछिल्लो समय अभियान संचालन गर्दै आइरहको छ ।

प्रतिक्रिया दिनुहोस