MENU

टुरिजम टाेस्टमार्स्टस क्लव स्थापना

काठमाण्डौ, पर्यटन क्षेत्रमा सम्वद्ध व्यक्तिहरुको संलग्नतामा आज आयोजित कार्यक्रमका विच टुरिजम टाेस्टमार्स्टस क्लव सार्वजनिक गरिएको छ । टाेस्टमार्स्टस इन्टरनेशनलमा आवद्ध टुरिजम टाेस्टमार्स्टस नेपालको नवौ क्लव भएको उपाध्यक्ष दिनम लामिछानेले बताउनु भयो ।

सकारात्मक सिकाई, संचारसिपको विकास, नेतृत्व विकास सँगै आत्म विश्वास बढाउने प्रमुख उदेश्यका साथ पर्यटन क्षेत्रमा आवद्ध व्यक्तिहरुको संलग्नतामा सो क्लव गठन गरिएको हो । क्लवको अध्यक्षमा पंकज प्रधानाङ्ग शिक्षा उपाध्यक्षमा मनि बस्नेत, सदस्यता उपाध्यक्षमा सरिक बोगटी, सार्वजनिक सम्बन्ध उपाध्यक्षमा दिनम लामिछाने चयन हुनु भएको छ । त्यसैगरी सचिवमा नेहा अमात्य, कोषाध्यक्षमा शिवराज राई र सेरजेन्टस एट अाम्समा  सन्दिपा बन्स्याल चयन हुनु भएको हो ।

पर्यटन क्षेत्रमा सकारात्मक पक्षको बारेमा बोलेरै पाहुनालाई आर्कषित गर्नुपर्ने भएकोले क्लवले सकारात्मक पर्यटनलाई विकास गर्न सघाउ पुरयाउने नेपाल पर्यटन बोर्डका प्रमुख कार्यकारी अधिकृत दिपकराज जोशीले बताउनु भयो । पर्यटन क्षेत्रमा संलग्न व्यक्तिहरुको व्यक्तित्व, भाषा, दक्षता तथा प्रशंसा गर्ने क्षमताले पर्यटकलाई आर्कषित गर्न सक्ने भएकोले टुरिजम टाेस्टमार्स्टस क्लव कोसेढुङगा हुने पर्यटन व्यवसायी विजय अमात्यले बताउनु भयो । एक वर्षको बाईस हजार रुपैया तिरेर सदस्यता लिन सकिने क्लवले जनाएको छ । १० अक्टोवरमा क्लवको अर्को वैठक होटल याक एण्ड यतिमा हुदै छ ।

21686335_10155852947523939_785629678311531469_n (1)

प्रतिक्रिया दिनुहोस