MENU

मृगौला पीडित सरिता बराललाई लमजुङ अमेरिका सेवा समाज द्वारा सहयोग प्रदान

लमजुङ, दुवै मृगौला फेल भई उपचार गराइरहनु भएकी मस्र्याङ्दी गाउँपालिका ९, सिम्पानी लमजुङकी २७ बर्षीया सरिता बराललाई लमजुङ अमेरिका सेवा समाजले आर्थिक सहयोग प्रदान गरेको छ । अमेरिकाको बल्टिमोर बस्ने नेपालीहरु द्वारा स्थापना गरिएको सामाजिक संस्था मार्फत सहयोग रकम प्रदान गरिएको संस्थाका अध्यक्ष शशि थापाले बताउनु भयो ।
नेपाल पत्रकार महासंघका केन्द्रीय सदस्य नवीनराज कुइँकेलले लमजुङ अमेरिका सेवा समाजले संकलन गरि पठाएको ५२ हजार ३३४ रुपैयाँँ सरिता को श्रीमान इन्द्र बराललाई बेशीशहरमा हन्तान्तरण गर्नुभएको हो । समाजका अध्यक्ष सशी थापा रुद्रमान गुरुङ, सागर घले, रमेश श्रेष्ठ, अरुण आकाश श्रेष्ठ, दिनेश कमली, सुवोध पन्त, गणेश अधिकारी, मनोज रेग्मी, नवराज घिमिरे, सागर कुंवर खड्का, अर्जुन सुयेल, भुपेन्द्र गुरुङ, रघुनाथ भट्टराई, नन्द गुरुङ र प्रेम घिमिरेले संयुक्त रुपमा रकम उठाएर सहयोग प्रदान गर्नुभएको हो ।21942177_1118423498288909_1277850218_n
सरिता बराल विगत ६ बर्षदेखि मृगौला फेल भएर उपचाररत हुनुहुन्छ । उहाँको हाल तनहुँको दमौलीमा डायलिसिस भैरहेको छ । आफनो बाँच्ने चाहनालाई सहयोग गर्ने सवैलाई धन्यवाद दिदै सरिताले सहयोगी हातहरु भएमा आफु थप बाँच्ने बताउनु भयो । लमजुङ अमेरिका सेवा समाजले केही समय अघि मिर्गौला फेल भई उपचाररत लमजुङ जिल्लाको दोर्दी गाउँपालिका, भारते गाउँ निवासी सुरेन्द्र गुरुङलाई दुई लाख उनान्साठी हजार दुई सय सतसट्ठी रुपैँया आर्थिक सहयोग गरेको थियो ।

समाजले दैविप्रकोप तथा असहायहरुलाई आगामी दिनमा समेत सहयोग गर्दै जाने समाजका अध्यक्ष शशी थापाले बताउनु भयो । बाल्टिमोर लगायत अमेरिकाको विभिन्न क्षेत्रमा लमजुङ जन्मथलो भएका व्यक्तिहरु विच घनिष्टता, आत्मियता बढाउन समाजले कार्यक्रम गर्ने तयारी गरेको छ ।

प्रतिक्रिया दिनुहोस