१ वर्ष १० महिना पछी दाङको तुलसीपुरमा समिट एयरको सेवा सुरु

दाङ, दाङको तुलसीपुरमा रहेको टरिगाउँ एयरपोर्टबाट समिट एयरले आइतबारदेखि उडान भर्न सुरु गरेको छ । तुलसीपुर उपमहानगरपालिका र समिट एयर बीच भएको सहमति अनुसार आइतबार देखि समिट एयरले उडान भर्न सुरु गरेको हो ।समिट एयरको विमान एक बजेर ९ मिनेट जाँदा टरीगाउँ एयरपोर्टमा अवतरण गरेको थियो । टरिगाउँ एयरपोर्टमा ०७२ साल चैत २ गतेपछि विमान सेवा अवरुद्ध भएको थियो ।१ वर्ष १० महिनाको अन्तरालमा फेरि विमान सेवा सुरु भएपछि दाङवासी हषिर्त भएका छन् । विमान आएको खुसीयाली मनाउन एयरपोर्टमा सर्वसाधारणको बाक्लो उपस्थिति थियो । उनीहरुले विमानको निरन्तरताको लागि जनप्रतिनिधिमहरुलाई भूमिका खेल्न आग्रह पनि गरेका थिए ।१६ जना यात्रु लिएर आएको जहाँज सिटक्षेमता अनुसार १८ जना यात्रु लिएर एक वजेर ४३ मिनेट जाँदा काठमान्डौका लागि उडेको थियो । जहाँजबाट ओर्लिने क्रममा उपप्रधान मन्त्री कृष्ण बहादुर महरा, एमाले नेता तथा प्रदेश सभा सदस्य प्रकाश ज्वाला, प्रतिनिधि सभा सदस्य हिराचन्ऽ केसी, तुलसीपुर उपमहानगरपालिका प्रमुख घनश्याम पाण्डे, पाईलट, कोपाइलटलाई सयौ सर्वसाधरणनागरिकहरुले बाजागाजा सहित फुलमाला लगाएर भव्य स्वागत गरेका थिए ।समिट एरले हप्तामा दुई दिन आइतबार र शुक्रबार दाङ काठमान्डौका लागि उडान भर्ने नगर प्रमुख घनश्याम पाण्डेले बताए ।उनले सवैको प्रयासमा विमान संचालनमा आएको बताउदै अब समृद्धिको ढोका खुलेकाले दाङ जुरुक्कै उठ्ने बताए ।