MENU


मकवानपुरको कुन्छालमा होमस्टेको सुरुवात

मकवानपुर, मकवानपुर जिल्लाको थाहा नगरपालिका १ कुन्छाल गाउँमा होमस्टेको सुरुवात भएको छ । राजधानीबाट नजिकको पर्यटकिय क्षेत्र कुन्छाल होमस्टेको लागि उपयुक्त भएको गाउँ पर्यटन प्रवद्धन मञ्चका अध्यक्ष कमल सापकोटाले बताउनु भयो ।

गत आईतबार गाउँ पर्यटन प्रवद्र्धन मञ्च (भिटोफ)ले आयोजना गरेको ‘कुन्छाल गाउँ अवलोकन भ्रमणमा पर्यटनकर्मी, पत्रकार र स्थानियहरुको सहभागितामा एक भव्य कार्यक्रमको आयोजना भएको टानका पूर्व महासचिव कर्ण लामाले बताउनु भयो ।

‘विश्व पर्यटन दिवसको अवसरमा कुन्छाल गाउँलाई पर्यटन गन्तव्यको रुपमा घोषणा गरिएको भिटोफ नेपालका उपाध्यक्ष दीपक दाहालले बताउनु भयो । चन्द्रागीरि नजिकै रहेको होमस्टे ट्रेकिङको संभावना बोकेको क्षेत्र रहेको तथा गोपालीहरुको ऐतिहासिक बस्ती,यहाँको मुख्य आकर्षण बन्न सक्ने टानका अध्यक्ष नवराज दाहालले बताउनु भयो ।

थाहा नगरपालिकाका मेयर लभेश्वर विष्टले आफूहरुले पर्यटनलाई थाहा नगरपालिकाको प्रमुख आधारको रुपमा विकास गर्ने बताए । ‘कृषि पर्यटन र पूर्वाधार थाहा नगरको पूर्वाधार भन्ने हाम्रो नगरपालीकाको नारा नै छ,’ उनले भने,‘प्रचार प्रसारको कमीले कुन्छाल गाउँ पछाडी परेको हो ।’‘काठमाडौं भित्र उकुशमुकुश छ । एक घण्टा मात्रै बाहिर निस्कन पाउने ठाउँ छैन । यदि काठमाडौं चित्लाङको बाटो बन्यो भने एक घण्टामा हामी काठमाडौंबाट यहाँ आईपुग्छौँ,’ उनले भने,‘हामी एक वर्ष भित्र यसलाई कुन्छाललाई पर्यटकीय गाउँ बनाउने छौँ । होमस्टेमा हामी बजेट खर्च गर्छौं । यो मेरो दायीत्व हो ।
नेपाल पर्यटन बोर्डका निर्देशक मणि लामिछानेले कुन्छाल गाउँलाई बोर्डले सन् २०११ देखि पर्यटकीय गन्तव्यको रुपमा अघि सारेको बताए । उनले थाहानगरपालिकाको उत्तरी क्षेत्र रहेकाले चित्लाङमा आउने पर्यटक कुन्छाल गाउँ अवश्य आउने बताउँदै होमस्टे ट्रेकिङ ट्रेल संभावना औँल्याए ।

कुन्छाल गाउँमा करिब २ सय परिवार गोपालीहरु बसोबास छ । गोपालीहरुको आफ्नै भाषा र मौलिकता रहेको छ । निरन्तर गाउँको सम्भाव्यतालाई अनुगमन गरिरहने भिटोफ नेपालको कार्यक्रम संयोजक जस्फा पाण्डेले बताउनु भयो । 28190679_10156067129744705_1910071633_n 27993747_10155039672296046_7371896592915124908_o 27993508_10155039675476046_408737145001089271_o 28061536_10155039669581046_745390635639169701_o 28238064_10155039673206046_4360550447360817662_o 28164543_10155039670751046_5496235736079486788_o 28191409_10156067129904705_1563052734_n 28175982_10156067140984705_2145872301_n 28164809_10155039673041046_5889869256751335299_o 28061141_10155039672696046_4517767353457745133_o 28162168_10155039669991046_7977117771233100076_o 28070358_10155039671761046_5261236834281927865_o 28234777_10155039673461046_355152595906002407_o 28164443_10155039671281046_52887278203064630_o

प्रतिक्रिया दिनुहोस