MENU


दोलखाको शैलुङमा होमस्टे वैठक सम्पन्न

दोलखा, होमस्टे एसोसियसन नेपाल बागमति प्रदेश कमिटिको बैठक शनिबार पर्यटकीय क्षेत्र शैलुङको बाघढुंगामा सम्पन भएको छ । पर्यटनको विकास र चिनारीका लागि पर्यटकीय क्षेत्रमा बैठक गरी पर्यटन प्रबद्र्धनका लागि पर्यटकीय गन्तब्यको पहिचान गर्न शैलुङको बाघढुंगामा बैठक सम्पन्न गरेको बागमति प्रदेश होमस्टे एसोसियसन नेपालका इन्चार्ज बाबुराजा महर्जनले जानकारी दिनुभयो ।135549320_151627113166864_4862063400073747958_n

पर्यटन प्रबद्र्धनमा होमस्टेहरुले खेलेको भूमिलाई मध्यनजर गरी पर्यटकीय गन्तब्यको पहिचानमा लाग्नुपर्नेमा सहभागीहरुले जोड दिनुभएको थियो । यस्तै बागमति प्रदेश हामेस्टे एसोसियसन नेपालका सचिव माधव श्रेष्ठले पर्यटकीय गन्तव्यको पहिचान गरी होमस्टेहरुको विकास गर्ने र स्थानीय खानाको परिकार तथा स्थानीय उत्पादनको प्रबद्र्धन गर्न सहयोग पुग्ने बताउनुभयो । उहाँले पर्यटकीय क्षेत्रको पहिचान गर्ने र पर्यटक भित्र्याएर मनग्य आम्दानी लिनुपर्नेमा जोड दिनुभयो । स्थानीय खाना, स्थानीय पहिचान स्थानीय कला संस्कृती र इतिहासलाई समेटिएर पर्यटन प्रबद्र्धन गर्न सके नेपालीहरु विदेशमा जानुनपर्नेमा जोड दिनुभयो ।

134631861_2824888371124939_4756455525790398565_n
बेठकमा बागमति प्रदेश होमस्टे एसोसियसन नेपालका अध्यक्ष गोविन्द हुमागाई, उपाध्यक्ष संगीता श्रेष्ठ, कोषाध्यक्ष, अनिमा भट्टराई, महासचिव प्रेमभक्त महर्जन, सचिव माधव श्रेष्ठ, सह–इन्चार्ज राजकुमार लामिछाने, होमस्टे एसोसियसन नेपालका केन्द्रिय सदस्य मोविन थिङ तामाङ रेशमलाल योञ्जन लगायतको सहभागीता रहेको थियो ।
यस्तै दोरम्बा सामुदायिक होमस्टेका संचालक मिनबहादुर तामाङ र बागमति प्रदेशका विभिन्न होमस्टेका संचालक तथा प्रतिनिधीहरुको सहभागीता रहेको थियो । कार्यक्रमले होमस्टेको प्रवदनमा सहयोग पुगेको वाग्मती प्रदेश होमस्टे एसोसियसन नेपालकी कोषाध्यक्ष अनिमा भट्टराईले बताउनु भयो । शैलुङ दोलखा र रामेछाप जिल्लाको सिमानामा रहेको प्रमुख पर्यटकिय स्थल हो ।

प्रतिक्रिया दिनुहोस