फोहोरमुक्त सडक घोषित

काठमाडौँ । स्थानीय गौशालादेखि कमलपोखरीसम्मको मूल सडकलाई आज फोहरमुक्त सडक घोषणा गरिएको छ । यहाँ आज आयोजित कार्यक्रममा सो सडकलाई फोहरमुक्त सडक घोषणा गरिएको हो रुद्रमती सरसफाइ अभियान १३५ औँ हप्ता पुगेकाले यसलाई व्यवस्थित गर्न कमलपोखरीदेखि गौशालासम्मका बाटाका खम्बामा फोहर फाल्ने टिनका ४० भाँडा राखिएको छ । त्यसबीचमा पर्ने ४०५ पसलका अगाडि फोहोर फाल्ने बाल्टिन राखिने रुद्रमती सरोकार समाजले जनाएको छ ।

कार्यक्रममा स्वास्थ्यमन्त्री गगनकुमार थापाले धेरै रोगहाम्रो सरसफाइ, खानपान र जीवनशैलीले निर्धारण गर्ने भएकाले विकासलाई पनि त्यसअनुसार अगाडि बढाउनुपर्छ भन्नुभयो । पूर्व मुख्यसचिव लीलामणि पौडेलले सरसफाइ आफँैबाट सुरु गर्नुपर्ने भएकाले आफ्नो वरपरमा सफा राख्नु सबैको जिम्मेवारी भएको बताउनुभयो । कामपाका कार्यकारी अधिकृत रुद्रसिंह तामाङले घोषणा गरेर मात्र नहुने भएकाले त्यसलाई निरन्तरता दिनु सबैको कर्तव्य भएको बताउनुभयो ।
समाजका अध्यक्ष वासुदेव मरासिनीले त्यस क्षेत्रको नियमित अनुगमन गरिने र कसैले नियम विपरीत काम गरे कारबाही ग बताउनुभयो । त्यहाँ जम्मा भएको फाहोरदैनिक रुपमा वातावरण संरक्षण अभियानले सङ्कलन गर्ने उहाँले बताउनुभयो । यस्तै आज डल्लु पुलमा पनि सरसफाइ कार्यक्रम गरिएको छ ।