शनिवार बुढानिलकण्ठबाट टोखा सम्म रमाइलो दौड प्रतियोगिता हुदै

काठमाण्डौ , काठमाण्डौ टेल रेस सेरिज अन्र्तगत ट्रेल रनिङ नेपालको आयोजनामा आउँदो शनिवार मे २७ का दिन बुढानिलकण्ठदेखी टोखासम्म दौड प्रतियोगिता आयोजना हुन लागेको छ । उपत्यका वरिपरिका प्राकृतिक सम्पदाहरुको प्रवद्र्धन र स्वास्थ्यको लागि दौड प्रतियोगिता आयोजना गरिएको वेस्ट भ्यू रेष्टुरेन्ट वौद्धका संचालक तथा इभेन्ट पार्टनर नविन तिवारीले बताउनु भयो । १३ किलोमिटर प्रतियोगिका लागि र दौडन नसक्ने तर उत्साह भएका वृद्ध, विद्यार्थीहरुलाई ५ किलोमिटरको रमाइलो दौडको आयोजना हुन लागेको हो । बिहान ६ बजेबाट दौड प्रतियोगिता सुरु हुनेछ । जिओ एडभेन्चर अल्टा रनर वल्र्ड च्याम्पीयनसिप २०१७ कि धाविका मिरा राईको संलग्नतामा हुन लागेको यो तेस्रो कार्यक्रम हो । यसअघि ११ किलोमिटर दुरीको सेतो गुम्बामा र सोही दुरीको नयाँ पाटीमा दौड प्रतियोगिता सम्पन्न गरिसेकको रेस प्रतियोगिताको संयोजनकर्ता प्रिति खत्रीले बताउनु भयो ।
नेपालीहरुलाई रु ६०० सय र विद्यार्थीलाई रु ४०० सय दर्ता शुल्क राखिएको आयोजक संस्थाले जनाएको छ । बुढानिलकण्ठ टोखा क्षेत्रमा हरियाली बनजंगल भित्र दौडन पाउने भएकोले धेरै भन्दा धेरै नगरवासिलाई कार्यक्रममा सहभागिताको लागि आव्हान गरिएको आयोजकले बताएको छ । संस्थाले नियमित रुपमा काठमाण्ठौ वरिपरिको क्षेत्रमा कार्यक्रम गरिरहेको तिवारीले बताउनु भयो । www.trailrunningnepal.org मा गएर आफनो सहभागिता सुनिश्चिता गर्न सकिने छ ।