थापाथलीमा देवलोक होमस्टे संचालनमा

काठमाण्डौ, पछिल्लो समय काठमाण्डौ भित्रै होमस्टे संचालन हुने क्रम बढेको छ । यसैक्रममा थापाथली दरवार रेष्टुरेन्टसँगै देवलोक होमस्टेको संचालन भएको हो । दैलेख स्थायी बसोबास भइ हाल सिंहदरवारमा सरकारी सेवा गरिरहनु भएकी निर्मला ज्वालाले सो होमस्टे संचालनमा ल्याउनु भएको हो ।

निर्मलाले यसअघि नै देवलोक एड्भेन्चर नामक ट्राभल एजेन्सी संचालनमा ल्याउनु भएको छ । पर्यटन आफनो सवैभन्दा रोजाईको पेशा भएकोले सरकारी सेवा वाहेकको सम्पूर्ण समय पर्यटकिय विताउँदै आउनु भएकी ज्वालाले दैलेख दुल्लुको लागि समय समयमा टुर प्याकेज समेत संचालन गर्दै आउनु भएको छ ।

होमस्टेमा ग्रामिण परिवेशको जस्तै मनोरञ्जनात्मक गतिविधि सञ्चालन हुने उहाँले बताउनु भयो । थापाथली स्थित प्रसुति गृहबाट पूर्वतिरको ५०० मिटर अगाडी बाग्मती नदी किनारामा रहेको होमस्टेले प्रकृतिलाई समेत जोड्ने उहाँले बताउनु भयो । होमस्टेमा प्याकेजको समेत व्यवस्था गरिएको छ । ज्वालाले यसअघि होमस्टेसँगै एपीवान टेलिभिजनसँगै थापाथली दरवार नामक रेष्टुरेन्ट समेत संचालन गर्दै आउनु भएको छ । नेपालीहरुलाई विशेष प्राथमिकता दिई आतिथ्यता प्रदान गर्न  संचालन गरिएको होमस्टेमा ९८५११७०१०४ मा बुक गरि सेवा लिन सकिनेछ ।